На 28 јуни 2025 година, во Македонската филхармонија се одржа концерт под наслов „Јапонското срце бие во македонски ритам“, на кој јапонскиот тенор Казухиро Котецу настапи со македонски и јапонски репертоар.
Благодарение на визионерското водство на генералниот директор Драган Дамјановски и несебичната посветеност на тимот на Термалифт, настанот успеа да ја поврзe културата на две нации на едно место.
Оваа иницијатива претставува симболична благодарност од Термалифт за повеќе од три децении успешно деловно присуство на македонскиот пазар, нудејќи квалитетни јапонски производи. Од техничка соработка до културно разбирање – оваа долгорочна врска конечно доби и јавна културна потврда преку настан кој промовира меѓусебна почит и разбирање.
Покрај Котецу, настапија и јапонскиот женски хор „Tomoni Utao“ вклучувајќи ја сопранистката Чихиро Суганума и пијанистката Акико Каназава, македонскиот хор „Про Арс“ со солиската Елена Васова под водство на Сашо Татарчевски и пијанистот Иван Трајковски. Програмата вклучи внимателно избрани композиции од двете култури, со посебен акцент на македонската традиционална песна.
Во програмата беа вклучени неколку значајни македонски композиции: „Болен ми лежи - Миле Поп Јорданов“, „Ако умрам или загинам“, „Коце берберот“ и „Македонско девојче“, како и хорски изведби на „По друм одам, мајче“, „Дервишко моме“ и „Калајџиско“. Песните беа селектирани со цел да ја отсликаат врската помеѓу двете култури и беа изведени во соло и хорски формации.
Модераторка на настанот беше Сузана Турунџиева, медиумска и културна личност со долгогодишно искуство, која со сценска сигурност и јасен израз овозможи динамичен и складен тек на програмата.
Настанот беше организиран на високо професионално ниво и привлече значајно внимание од страна на културната јавност и медиумите.
За Термалифт, овој настан е потврда дека приватниот сектор може да игра значајна и конструктивна улога не само во економскиот развој, туку и во унапредувањето на културната и општествената поврзаност.
